إِذَا وَقَعَتِ الْوَاقِعَةُ

(1) قيامةވެއްޖެހިނދެވެ.

لَيْسَ لِوَقْعَتِهَا كَاذِبَةٌ

(2) އެކަންވާނޭކަމާމެދު إنكارކޮށް ދޮގުކުރާނޭ ފަރާތެއް ނުވެއެވެ.

خَافِضَةٌ رَافِعَةٌ

(3) އެއްބަޔަކު ދަށްކުރަމުން، އަނެއްބަޔަކު މަތިކުރަމުންނެވެ. (އެބަހީ: އަބާއްޖަވެރިން ދަށްކުރައްވައި، ބާއްޖަވެރިން މަތިވެރިކުރައްވާ ދުވަހެއްގެ ގޮތުގައެވެ.)

إِذَا رُجَّتِ الْأَرْضُ رَجًّا

(4) ބިންގަނޑު ގަދަފަދައަށް ހެލިގެންފިހިނދެވެ.

وَبُسَّتِ الْجِبَالُ بَسًّا

(5) އަދި ފަރުބަދަތައް ފުނޑުފުނޑުވެ، ހިމުންވެއްޖެހިނދެވެ.

فَكَانَتْ هَبَاءً مُنْبَثًّا

(6) ފަހެ، ވަޔާ ބުރަބުރައިގެންދާ ކުނޑިތަކެއްކަމުގައި އެ ފަރުބަދަތައް ވެއްޖެހިނދެވެ.

وَكُنْتُمْ أَزْوَاجًا ثَلَاثَةً

(7) އަދި ތިޔަބައިމީހުން (އެދުވަހުން) ތިންބާވަތަކަށް ވެދެއެވެ.

فَأَصْحَابُ الْمَيْمَنَةِ مَا أَصْحَابُ الْمَيْمَنَةِ

(8) ފަހެ، ކަނާތްފަރާތުގެ މީހުންނެވެ. ކަނާތްފަރާތުގެ މީހުންނީ، ކޮންބަޔެއްހެއްޔެވެ؟

وَأَصْحَابُ الْمَشْأَمَةِ مَا أَصْحَابُ الْمَشْأَمَةِ

(9) އަދި ވާތްފަރާތުގެ މީހުންނެވެ. ވާތްފަރާތުގެ މީހުންނީ، (ދަރަޖައިގެގޮތުން) ކޮންބަޔެއްހެއްޔެވެ؟

وَالسَّابِقُونَ السَّابِقُونَ

(10) އަދި ކުރިއަރައިދިޔަ މީހުންނީ، (ދަރަޖައިގެގޮތުން) ކުރިއަރައިދިޔަ މީހުންނެވެ.

أُولَئِكَ الْمُقَرَّبُونَ

(11) ކުއްތަންކުރައްވާފައިވާ މީހުންނީ، އެއުރެންނެވެ.

فِي جَنَّاتِ النَّعِيمِ

(12) نعمةގެ ސުވަރުގެތަކުގައެވެ.

ثُلَّةٌ مِنَ الْأَوَّلِينَ

(13) އިސްވެދިޔަމީހުންގެ ތެރެއިން (އެބަހީ: އިސްވެދިޔަ أمّةތަކުގެ މީހުންގެ ތެރެއިން) ގިނަބަޔެކެވެ.

وَقَلِيلٌ مِنَ الْآخِرِينَ

(14) އަދި ފަހުގެ މީހުންގެ ތެރެއިން (އެބަހީ: އިސްވެދިޔަ أمّةތަކާ އަޅައިބަލާއިރު، محمد ނަބިއްޔާގެ أمّةގެ މީހުންގެ ތެރެއިން) މަދުބަޔެކެވެ.

عَلَى سُرُرٍ مَوْضُونَةٍ

(15) ރަނާއި، ޖަވާހިރުން އަތްކަން އަޅުއްވާފައިވާ ދާންތަކެއްގެ މަތީގައެވެ.

مُتَّكِئِينَ عَلَيْهَا مُتَقَابِلِينَ

(16) އެ ދާންތަކުގެ މަތީގައި، އެކަކު އަނެކަކާ ކުރިމަތިލައި، ލެނގިގެންވާ حالގައެވެ.

يَطُوفُ عَلَيْهِمْ وِلْدَانٌ مُخَلَّدُونَ

(17) ޒުވާންކަންމަތީ ދެމިތިބޭ ޒުވާން ފިރިހެންކުދިން، އެއުރެންގެ خدمةގައި ބުރުޖަހާނެތެވެ.

بِأَكْوَابٍ وَأَبَارِيقَ وَكَأْسٍ مِنْ مَعِينٍ

(18) ތަށިތަކަކާއި، ކުރާތަކަކާއިގެންނެވެ. އަދި ހިނގަހިނގާ ހުންނަ އާރަކުން ނެގޭ ރާތަށިތަކަކާއިގެންނެވެ.

لَا يُصَدَّعُونَ عَنْهَا وَلَا يُنْزِفُونَ

(19) އޭގެސަބަބުން އެއުރެންނަށް ބޮލުގެ ރިހުމެއް ނުލިބޭނެތެވެ. އަދި މަސްތުވުމެއްވެސް ނުމެލިބޭނޭމެއެވެ.

وَفَاكِهَةٍ مِمَّا يَتَخَيَّرُونَ

(20) އަދި އެއުރެން ބޭނުންގޮތަކަށް ނަގާނޭ މޭވާތަކާއިގެންނެވެ.

وَلَحْمِ طَيْرٍ مِمَّا يَشْتَهُونَ

(21) އަދި އެއުރެން ހިތްއެދޭ ބާވަތްތަކުގެ ދޫނިސޫފާސޫފީގެ މަހާއިގެންނެވެ.

وَحُورٌ عِينٌ

(22) އަދި ކަޅިރަވަ ރީތި، حورالعينން ތިބޭނެއެވެ.

كَأَمْثَالِ اللُّؤْلُؤِ الْمَكْنُونِ

(23) (އެކަނބަލުން) ރައްކާތެރިކުރައްވާފައިވާ ރަންމުތްތަކަކާ އެއްފަދަވެގެންވެއެވެ.

جَزَاءً بِمَا كَانُوا يَعْمَلُونَ

(24) (އެއީ) އެއުރެން ކޮށްއުޅުނު عملތަކަށް ޖަޒާއެއް ކަމުގައެވެ.

لَا يَسْمَعُونَ فِيهَا لَغْوًا وَلَا تَأْثِيمًا

(25) ބޭކާރު ބަސްތަކެއްވެސް، އަދި ކުށްވެރިކުރަނިވި ބަސްތަކެއްވެސް، އެތާކު އެއުރެންނަކަށް ނީވޭނެތެވެ.

إِلَّا قِيلًا سَلَامًا سَلَامًا

(26) އެހެނެއްކަމަކު (އެއުރެންނަށް އިވޭނީ) سلامހުށްޓޭ، سلامހުށްޓޭ، ބުނެވޭ އަޑެވެ.

وَأَصْحَابُ الْيَمِينِ مَا أَصْحَابُ الْيَمِينِ

(27) ކަނާތްފަރާތުގެ މީހުންނެވެ. ކަނާތްފަރާތުގެ މީހުންނީ، ކޮންބަޔެއްހެއްޔެވެ؟

فِي سِدْرٍ مَخْضُودٍ

(28) (އެއުރެންވަނީ) ކަށިނެތް، ކުންނާރު ގަސްތަކުގެ ތެރޭގައެވެ.

وَطَلْحٍ مَنْضُودٍ

(29) ކެޔޮވައްތައް އެތުރިފައިވާ ފަތްކެޔޮ ގަސްތަކުގެ ތެރޭގައެވެ.

وَظِلٍّ مَمْدُودٍ

(30) އަދި ފެތުރިގެންވާ ޔަލުގައެވެ.

وَمَاءٍ مَسْكُوبٍ

(31) އަދި އަބަދަށް އޮހިއޮހިހުންނަ ފެން، އެއުރެންނަށް ލިބޭނެއެވެ.

وَفَاكِهَةٍ كَثِيرَةٍ

(32) އަދި ގިނަގުނަވެގެންވާ މޭވާތައްވެސްމެއެވެ.

لَا مَقْطُوعَةٍ وَلَا مَمْنُوعَةٍ

(33) ހުސްވުމެއްނުވާ، އަދި މަނާވުމެއްނުވާ މޭވާއެވެ.

وَفُرُشٍ مَرْفُوعَةٍ

(34) އަދި އުފުލިގެންވާ ދާންތަކެވެ.

إِنَّا أَنْشَأْنَاهُنَّ إِنْشَاءً

(35) ހަމަކަށަވަރުން، އަލުން އާ އުފެއްދެވުމަކުން ތިމަންރަސްކަލާނގެ އެކަނބަލުން (އެބަހީ: ސުވަރުގޭގެ އަންހެނުން) އުފެއްދެވީމެވެ.

فَجَعَلْنَاهُنَّ أَبْكَارًا

(36) ފަހެ، بِكرވެރި ބަޔަކު ކަމުގައި ތިމަންރަސްކަލާނގެ އެކަނބަލުން ލެއްވީމެވެ.

عُرُبًا أَتْرَابًا

(37) ފިރިންދެކެ ލޯބިވާ، އެއްފުރާގެ ބަޔަކު ކަމުގައެވެ.

لِأَصْحَابِ الْيَمِينِ

(38) ކަނާތްފަރާތުގެ މީހުންނަށްޓަކައެވެ.

ثُلَّةٌ مِنَ الْأَوَّلِينَ

(39) އިސްވެދިޔަ މީހުންގެ ތެރެއިން (އެބަހީ: އިސްވެދިޔަ أمّةތަކުގެ މީހުންގެ ތެރެއިން) ގިނަބަޔެކެވެ.

وَثُلَّةٌ مِنَ الْآخِرِينَ

(40) އަދި ފަހުގެ މީހުންގެ ތެރެއިންވެސް (އެބަހީ: محمد ނަބިއްޔާގެ أمّةގެ މީހުންގެ ތެރެއިންވެސް) ގިނަބަޔެކެވެ.

وَأَصْحَابُ الشِّمَالِ مَا أَصْحَابُ الشِّمَالِ

(41) ވާތްފަރާތުގެ މީހުންނެވެ. ވާތްފަރާތުގެ މީހުންނީ، ކޮންބަޔެއްހެއްޔެވެ؟

فِي سَمُومٍ وَحَمِيمٍ

(42) (އެއުރެންވަނީ، ލޯލިތަކުގެ ބުޑުތައް ފޫވައްޓައިފަނިވި) ހޫނު ވައިގެތެރޭގައެވެ. އަދި ކެކިކެކިހުންނަ ހޫނުފެނުގެ ތެރޭގައެވެ.

وَظِلٍّ مِنْ يَحْمُومٍ

(43) އަދި ކަޅުކުލައިގެ ދުމަކުން އުފެދޭ ހިޔަނިގަނޑެއްގެ ތެރޭގައެވެ.

لَا بَارِدٍ وَلَا كَرِيمٍ

(44) ފިންޏެއްވެސް ނޫނެވެ. އަދި އަރާމެއްވެސް ނޫނެވެ.

إِنَّهُمْ كَانُوا قَبْلَ ذَلِكَ مُتْرَفِينَ

(45) ހަމަކަށަވަރުން، އޭގެކުރިން އެއުރެންވީ، ތަނަވަސްކަމުގައި ހައްދުފަހަނަޅައިފައިވާ ބަޔަކު ކަމުގައެވެ.

وَكَانُوا يُصِرُّونَ عَلَى الْحِنْثِ الْعَظِيمِ

(46) އަދި ބޮޑުވެގެންވާ ފާފަވެރިކަމުގެ މަތީގައި ދެމިތިބޭ ބަޔަކުކަމުގައި އެއުރެންވޫއެވެ.

وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ

(47) އަދި އެއުރެން ބުނާކަމުގައިވިއެވެ. ތިމަންމެން މަރުވެ، ވެއްޔަށާއި ކަށިތަކަކަށް ވެއްޖެހިނދު، އަލުން ދިރުމަކަށް ފޮނުއްވާނޭ ބަޔަކުކަމުގައި ހަމަކަށަވަރުން، ތިމަންމެން ވޭހެއްޔެވެ؟

أَوَآبَاؤُنَا الْأَوَّلُونَ

(48) އަދި ތިމަންމެންގެ އިސްވެދިޔަ ކާބަފައިންވެސް ހެއްޔެވެ؟

قُلْ إِنَّ الْأَوَّلِينَ وَالْآخِرِينَ

(49،50) ކަލޭގެފާނު ވިދާޅުވާށެވެ! ހަމަކަށަވަރުން، އިސްވެދިޔަ މީހުންނާއި، ފަހުން އަންނާނޭ މީހުންނީ، އެނގިގެންވާ ދުވަހެއްގެ ކަނޑައަޅުއްވާފައިވާ ވަގުތަކަށް އެއްކުރައްވާނޭ ބަޔަކުކަން ކަށަވަރެވެ.

لَمَجْمُوعُونَ إِلَى مِيقَاتِ يَوْمٍ مَعْلُومٍ

ثُمَّ إِنَّكُمْ أَيُّهَا الضَّالُّونَ الْمُكَذِّبُونَ

(51،52) އޭ މަގުފުރެދިގެންވާ، އަދި ދޮގުކުރާ މީހުންނޭވެ! ދެން ހަމަކަށަވަރުން، ތިޔަބައިމީހުން زقّومގަހުން ކާނޭކަން ކަށަވަރެވެ.

لَآكِلُونَ مِنْ شَجَرٍ مِنْ زَقُّومٍ

فَمَالِئُونَ مِنْهَا الْبُطُونَ

(53) ފަހެ، އެއިން ބަނޑުތައް ފުރައިލާނޭމެއެވެ.

فَشَارِبُونَ عَلَيْهِ مِنَ الْحَمِيمِ

(54) ފަހެ، އޭގަމައްޗަށް ކެކިކެކިހުންނަ ހޫނުފެން ބޯނޭމެއެވެ.

فَشَارِبُونَ شُرْبَ الْهِيمِ

(55) ފަހެ، ފެންބޮވައިގެންފައިވާ جملތައް ފެންބޯފަދައިންނެވެ.

هَذَا نُزُلُهُمْ يَوْمَ الدِّينِ

(56) قيامةދުވަހުން އެއުރެންގެ މެހުމާންދާރީއަކީ މިއެވެ.

نَحْنُ خَلَقْنَاكُمْ فَلَوْلَا تُصَدِّقُونَ

(57) ތިޔަބައިމީހުން ހެއްދެވީ ތިމަންރަސްކަލާނގެއެވެ. ފަހެ ތިޔަބައިމީހުން ތެދުނުކުރަނީ ކީއްވެހެއްޔެވެ؟

أَفَرَأَيْتُمْ مَا تُمْنُونَ

(58) ތިޔަބައިމީހުން ބޭރުކުރާ މަންޏާމެދު، ތިޔަބައިމީހުން ފަހެ، ވިސްނައި ބެލީމުހެއްޔެވެ؟

أَأَنْتُمْ تَخْلُقُونَهُ أَمْ نَحْنُ الْخَالِقُونَ

(59) އެތަކެތި ހަދަނީ، ތިޔަބައިމީހުން ހެއްޔެވެ؟ ނުވަތަ ހައްދަވާ ފަރާތަކީ ތިމަންރަސްކަލާނގެ ހެއްޔެވެ؟

نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ

(60،61) ތިޔަބައިމީހުންގެ މެދުގައި ތިމަންރަސްކަލާނގެ މަރު، މިންވަރުކުރެއްވީމެވެ. ތިޔަބައިމީހުންގެ ބަދަލުގައި، ތިޔަބައިމީހުންފަދަ އެހެންބަޔަކު ގެންނެވުމުގެ މައްޗަށާއި، ތިޔަބައިމީހުން ނުދަންނަ ސިފައެއްގައި، ތިޔަބައިމީހުން އަލުން އުފެއްދެވުމަށް ނުކުޅެދިގެންވާ ކަލަކުކަމުގައި ތިމަންރަސްކަލާނގެ ނުވަމެވެ.

عَلَى أَنْ نُبَدِّلَ أَمْثَالَكُمْ وَنُنْشِئَكُمْ فِي مَا لَا تَعْلَمُونَ

وَلَقَدْ عَلِمْتُمُ النَّشْأَةَ الْأُولَى فَلَوْلَا تَذَكَّرُونَ

(62) ހަމަކަށަވަރުން، ފުރަތަމަ އުފެއްދެވުން ތިޔަބައިމީހުންނަށް އެނގިފައިވެއެވެ. ފަހެ، ތިޔަބައިމީހުން ހަނދުމަނުކުރަނީ ކީއްވެހެއްޔެވެ؟

أَفَرَأَيْتُمْ مَا تَحْرُثُونَ

(63) ތިޔަބައިމީހުން ގޮވާންކުރާ ތަކެއްޗާމެދު، ފަހެ، ތިޔަބައިމީހުން ވިސްނައި ބެލީމުހެއްޔެވެ؟

أَأَنْتُمْ تَزْرَعُونَهُ أَمْ نَحْنُ الزَّارِعُونَ

(64) އެތަކެތި ބިމުން ފަޅުވަނީ، ތިޔަބައިމީހުންހެއްޔެވެ؟ ނުވަތަ އެތަކެތި ބިމުން ފަޅުއްވާ ފަރާތަކީ، ތިމަންރަސްކަލާނގެ ހެއްޔެވެ؟

لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ

(65) ތިމަންރަސްކަލާނގެ އިރާދަކުރައްވާނަމަ، ހިކި ކުނޑި ހުއިތަކެއް ކަމުގައި އެތަކެތި ލައްވައިފީމުސްކަން ކަށަވަރެވެ. ދެން އެކަމާމެދު ތިޔަބައިމީހުން حيرانވެފައި ތިބެއްޖައީހެވެ.

إِنَّا لَمُغْرَمُونَ

(66) (ތިޔަބައިމީހުން ބުނާނޫއެވެ.) ހަމަކަށަވަރުން، ތިމަންމެންނީ، ގެއްލުންވެގެންވާ ބަޔަކީމުއެވެ.

بَلْ نَحْنُ مَحْرُومُونَ

(67) އަދި ކިއެއްތަ! ތިމަންމެންނީ (އެތަކެތިން) محرومވެގެންވާ ބަޔަކީމުއެވެ.

أَفَرَأَيْتُمُ الْمَاءَ الَّذِي تَشْرَبُونَ

(68) ތިޔަބައިމީހުން ބޯ ފެނާމެދު، ތިޔަބައިމީހުން ފަހެ ވިސްނާ ބެލީމުހެއްޔެވެ؟

أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ

(69) ވާރޭވިލާތަކުން އެ ފެން ވެއްސީ، ތިޔަބައިމީހުންހެއްޔެވެ؟ ނުވަތަ އެ ފެން ބާވައިލެއްވި ފަރާތަކީ، ތިމަންރަސްކަލާނގެ ހެއްޔެވެ؟

لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ

(70) ތިމަންރަސްކަލާނގެ އިރާދަކުރައްވާނަމަ، އެ ފެން ބޯން ނުކެރޭފަދަ ލޮނު ފެނެއް ކަމުގައި ލައްވައިފީމުހެވެ. ފަހެ، ތިޔަބައިމީހުން شكر ނުކުރަނީ ކީއްވެހެއްޔެވެ؟

أَفَرَأَيْتُمُ النَّارَ الَّتِي تُورُونَ

(71) ތިޔަބައިމީހުން ރޯކުރާ އަލިފާނާމެދު، ތިޔަބައިމީހުން ފަހެ، ވިސްނައި ބެލީމުހެއްޔެވެ؟

أَأَنْتُمْ أَنْشَأْتُمْ شَجَرَتَهَا أَمْ نَحْنُ الْمُنْشِئُونَ

(72) އޭގެ ގަސް އުފެއްދީ ތިޔަބައިމީހުން ހެއްޔެވެ؟ ނުވަތަ އެ އުފެއްދެވި ފަރާތަކީ ތިމަންރަސްކަލާނގެ ހެއްޔެވެ؟

نَحْنُ جَعَلْنَاهَا تَذْكِرَةً وَمَتَاعًا لِلْمُقْوِينَ

(73) ހަނދުމަކުރުމެއް ކަމުގައްޔާއި، ދަތުރުފަތުރުކުރާ މީހުންނަށާއި، ދަތުރުނުކޮށް قائمވެތިބޭ މީހުންނަށް ބޭނުންހިފޭ އެއްޗެއްކަމުގައި، ތިމަންރަސްކަލާނގެ އެ އަލިފާން ލެއްވީމެވެ.

فَسَبِّحْ بِاسْمِ رَبِّكَ الْعَظِيمِ

(74) ފަހެ، ކަލޭގެފާނުގެ ވެރި، މާތްވަންތަ ރަސްކަލާނގެ اسمފުޅުން ކަލޭގެފާނު تسبيحވިދާޅުވާށެވެ!

فَلَا أُقْسِمُ بِمَوَاقِعِ النُّجُومِ

(75) ފަހެ، ހަމަކަށަވަރުން، ތަރިތައް އޮސްފުހޭ ތަންތަން ގަންދެއްވައި ތިމަންރަސްކަލާނގެ ހުވާ وحىކުރައްވަމެވެ.

وَإِنَّهُ لَقَسَمٌ لَوْ تَعْلَمُونَ عَظِيمٌ

(76) އަދި ތިޔަބައިމީހުން ދަންނަނީނަމަ، ހަމަކަށަވަރުން، އެއީ ބޮޑުވެގެންވާ ހުވަޔެއްކަން ކަށަވަރެވެ.

إِنَّهُ لَقُرْآنٌ كَرِيمٌ

(77) ހަމަކަށަވަރުން، އެއީ މާތްވެގެންވާ قرآنކަން ކަށަވަރެވެ.

فِي كِتَابٍ مَكْنُونٍ

(78) ރައްކާތެރިކުރައްވާފައިވާ ފޮތެއްގައެވެ.

لَا يَمَسُّهُ إِلَّا الْمُطَهَّرُونَ

(79) طاهرވެގެންވާ މީހުން މެނުވީ، އެ ފޮތުގައި ނުބީހޭނެތެވެ.

تَنْزِيلٌ مِنْ رَبِّ الْعَالَمِينَ

(80) (އެއީ) عالمތަކުގެ ވެރިރަސްކަލާނގެ حضرةން ބާވައިލެއްވި ފޮތެކެވެ.

أَفَبِهَذَا الْحَدِيثِ أَنْتُمْ مُدْهِنُونَ

(81) ތިޔަބައިމީހުން ދޮގުކޮށް ފަރުވާކުޑަކުރަނީ، މިވާހަކައާމެދުގައި (އެބަހީ:

وَتَجْعَلُونَ رِزْقَكُمْ أَنَّكُمْ تُكَذِّبُونَ

(82) އަދި ތިޔަބައިމީހުންނަށް رزقދެއްވިކަމުގެ މައްޗަށްކުރާ شكرއަކީ (އެ رزقދެއްވި ރަސްކަލާނގެ) ދޮގުކުރުން ކަމުގައި ތިޔަބައިމީހުން ހަދަމުއެވެ.

فَلَوْلَا إِذَا بَلَغَتِ الْحُلْقُومَ

(83) ފަހެ، މަރުވުމުގެ ވަގުތުގައި، ކަރާހަމަޔަށް ފުރާނައައިސް ނޭވާހޮޅިޔަށް އެޅިއްޖެހިނދެވެ.

وَأَنْتُمْ حِينَئِذٍ تَنْظُرُونَ

(84) އަދި އެހިނދު، ތިޔަބައިމީހުން ބަލަބަލައި ތިބެމުއެވެ.

وَنَحْنُ أَقْرَبُ إِلَيْهِ مِنْكُمْ وَلَكِنْ لَا تُبْصِرُونَ

(85) އަދި ތިޔަބައިމީހުންނަށްވުރެ އެމީހާއާ (އެބަހީ: މަރުވާ މީހާއާ) ގާތްކަންބޮޑީ، ތިމަންރަސްކަލާނގެއެވެ. އެހެނެއްކަމަކު، ތިޔަބައިމީހުންނަކަށް ނުފެނެތެވެ.

فَلَوْلَا إِنْ كُنْتُمْ غَيْرَ مَدِينِينَ

(86،87) ފަހެ، ތިޔަބައިމީހުންނީ، عملތަކަށް ޖަޒާ ނުލިބޭނެ ބަޔަކުކަމުގައިވާނަމަ، ތިޔަބައިމީހުން އެ ފުރާނަ އަނބުރައި ނުގެންނަނީ ކީއްވެގެން ހެއްޔެވެ؟ ތިޔަބައިމީހުންނީ، ތެދުވެރިން ކަމުގައިވާނަމައެވެ.

تَرْجِعُونَهَا إِنْ كُنْتُمْ صَادِقِينَ

فَأَمَّا إِنْ كَانَ مِنَ الْمُقَرَّبِينَ

(88) ފަހެ، އެ (މަރުވި) މީހާ ކުއްތަންކުރައްވާފައިވާ މީހުންގެ ތެރެއިންވާނަމަ، ދަންނާށެވެ!

فَرَوْحٌ وَرَيْحَانٌ وَجَنَّتُ نَعِيمٍ

(89) ފަހެ، އެމީހަކަށް އަރާމާއި، ތަނަވަސްވެގެންވާ رزقއާއި، نعمةގެ ސުވަރުގެ ހުށްޓެވެ.

وَأَمَّا إِنْ كَانَ مِنْ أَصْحَابِ الْيَمِينِ

(90) އަދި އެމީހަކު ކަނާތްފަރާތުގެ މީހުންގެ ތެރެއިންވާނަމަ، ދަންނާށެވެ!

فَسَلَامٌ لَكَ مِنْ أَصْحَابِ الْيَمِينِ

(91) ފަހެ، (އެމީހަކަށް އަންގަވާނެތެވެ.) ކަނާތްފަރާތުގެ މީހުންގެ ކިބައިން ތިބާޔަށް سلام ހުށްޓެވެ.

وَأَمَّا إِنْ كَانَ مِنَ الْمُكَذِّبِينَ الضَّالِّينَ

(92) އަދި ދޮގުކޮށް، މަގުފުރެދޭ މީހުންގެ ތެރެއިން އެމީހަކުވާނަމަ، ދަންނާށެވެ!

فَنُزُلٌ مِنْ حَمِيمٍ

(93) ފަހެ، އެމީހަކަށްހުރީ، ކެކިކެކިހުންނަ ހޫނުފެނުގެ މެހުމާންދާރީއެކެވެ.

وَتَصْلِيَةُ جَحِيمٍ

(94) އަދި ނަރަކަޔަށް ވެއްދެވުމެކެވެ.

إِنَّ هَذَا لَهُوَ حَقُّ الْيَقِينِ

(95) ހަމަކަށަވަރުން، މިއީ يقينވެގެންވާ حقތެދުކަން ކަށަވަރެވެ.

فَسَبِّحْ بِاسْمِ رَبِّكَ الْعَظِيمِ

(96) ފަހެ، ކަލޭގެފާނު ގެ ވެރި، މާތްވަންތަ ރަސްކަލާނގެ اسمފުޅުން ކަލޭގެފާނު تسبيحވިދާޅުވާށެވެ!